Yon gid pou manm kominote imigran nan Florid pou yo rete an sekirite, jwenn aksè nan manje ak pwovizyon ijans, epi fè yon bon jesyon jou aprè yon siklòn.
Preparasyon pou siklòn ak chalè
Siklòn ak inondasyon
Yon siklòn se yon kalite tanpèt twopikal ki vini ak gwo van, gwo lapli, ak vag tanpèt. Yo klase pa kategori (1 jiska 5, ak 5 ki pi fò) epi yo ka trè danjere, sa ki lakòz inondasyon ak domaj nan kay yo. Bagay ki pi enpòtan pou ou sonje pandan yon katastwòf se pwòp sekirite ou, sekirite fanmi ou ak sekirite kominote ou an.
- Si ou pèdi kouran, pa janm limen yon dèlko andedan kay ou. Jeneratè yo emèt monoksid kabòn, yon gaz san koulè ak odè ki ka fatal si yo respire li.
- Pa janm mache nan dlo inondasyon. Yo souvan genyen dlo ki ap koule ki danjere nan sistèm tou ego yo epi yo ka lakòz maladi grav ak pwoblèm sante. Lè ou vin an kontak ak dlo inondasyon, asire ou ke ou lave po ou ki ekspoze imedyatman aprè ou fin an kontak ak li. Tout blesi bezwen trete pou anpeche enfeksyon.
- Si li an sekirite pou fè sa, fèmen elektrisite nan brekè prensipal la oswa nan bwat fwiz anvan yon siklòn pou anpeche chòk elektrik.
Wout evakyasyon
Èske ou konnen ki wout pou ou fè si ou bezwen evakye tèt ou? Ou ka jwenn wout evakyasyon nan Florid pou chak komin an Angle (Ou ap bezwen sèvi ak Google Translate pou fè tradiksyon).
Pou paran ki ansent, aprè akouchman, ak paran ki ap bay tete: Èske ou se yon manman ki ap bay timoun tete? La Leche League gen enfòmasyon sou enpòtans ki genyen nan bay tete pandan yon ijans ak kijan pou asire ou ke tout bagay rete sen si ou bezwen ponpe lèt.
Si ou ap ponpe lèt:
- Pran avantaj de nenpòt sitiyasyon kote ou ka lave chak pati ponp ou yo san danje. Si ou pa gen dlo ki pwòp, konsidere men ou yo pito.
- Daprè CDC, jete boutèy pou pwent tete yo oswa sison ki te an kontak ak dlo inondasyon yo.
Si ou itilize fòmila, asire ou ke ou sèvi ak dlo ki nan boutèy si dlo tiyo a pa an sekirite. Selon sa CDC fè konnen :
- Si dlo nan boutèy pa disponib, bouyi dlo a pou 1 minit epi kite l frèt anvan ou melanje li ak fòmila a.
- Sèvi ak dlo trete sèlman pou prepare fòmila si dlo nan boutèy oswa dlo bouyi pa disponib.
- Toujou tcheke ak otorite lokal yo sou estati dlo pou bwè a epi swiv konsèy pou bouyi dlo yo.
Maladi ki gen rapò ak chalè
Kranp chalè: Sa a se reyaksyon ki pi modere ou ta ka genyen lè ou ekspoze ak chalè, anjeneral aprè aktivite difisil nan chalè ekstrèm. Imidite kò ou ak nivo sèl ou ka vin apovri, sa ki lakòz kranp nan misk yo. Si ou santi kranp, li enpòtan pou ou repoze, bwè anpil dlo epi manje ti bagay ki gen anpil kaboyidrat.
Fatig ki gen rapò ak chalè: Si ou pa rekonèt epi trete siy fatig ki gen rapò ak chalè, li ka mennen ou nan stwòk ki gen pou wè ak chalè, ki ka fatal. Siy fatig ki gen pou wè ak chalè yo genyen ladan yo tankou chèdepoul sou po a, gwo swe, oswa santi ou ap endispoze, vètij oswa fatig. Ou ka santi kranp nan misk ak kè plen tou. Si ou ap fè eksperyans ak fatig ki gen rapò ak chalè, li enpòtan pou ou soti nan chalè a ak solèy la epi repose ou. Bwè dlo oswa yon bwason pou espò pou ou rete idrate. Si sentòm ou yo pa kòmanse vin pi byen aprè repo a, ou ka bezwen chèche swen medikal imedya.
Stwòk ki gen pou wè ak chalè, ipètèmi: Sa a se repons ki pi ekstrèm ou ka fè eksperyans akòz ou ekspoze ak chalè. Tanperati kò ou ka monte nan yon nivo danjere, pi wo pase 104 degre epi ou ap gen anpil chans pou ou bezwen swen medikal imedya.
Sentòm yo ka gen ladan : kè plen, konfizyon ak lapawòl twoub, respire rapid ak kè ki ap bat rapid, ak tèt fè mal. Sentòm sa yo ta dwe trete pi vit ke posib: Eseye soti nan chalè a, kit se andedan kay la oswa nan lonbraj. Retire rad anplis kite sou ou yo epi refwadi tanperati kò a avèk dlo frèt, pake glas oswa sèvyèt mouye sou tèt ou ak kou ou.
Mete yon twous ijans
Li enpòtan pou ou mete yon seri de kit pou fanmi ou pou prepare ou pou sezon siklòn, ki anjeneral pi fò nan mwa Dawout rive oktòb. Eseye rasanble otan de bagay ke ou kapab davans, nan ka kote etajè yo ka vin vid nan magazen yo.
Gen kèk nan bagay ki pi enpòtan yo se :
- Dlo (1 galon pou chak moun pa jou pandan plizyè jou)
- Manje (omwen yon rezèv pou plizyè jou nan manje ki pa ka gate) ak yon kle pou ouvè mamit.
- Medikaman ak dokiman pou bezwen medikal ou yo
- Dokiman (kat idantite, prèv sitwayènte si ou genyen li, yon bòdwo elektrik oswa telefòn pou pwouve adrès ou, yon kontra lwaye si ou nan lwaye)
- Radyo ki mache ak pil oswa manivèl (ak pil)
- Flach (ak pil)
- Twous premye swen
- Mask, dezenfektan pou men, ak sak fatra
- Kle oswa pens
- Telefòn selilè ak chajè ak yon batri bakòp
- Kouchèt ak ti sèvyèt pou ti bebe ak timoun
- Sak sab: Sa yo pa pral sispann dlo nèt oswa pwoteje ou kont vag oswa vag tanpèt, men yo ka diminye kantite dlo ki antre lakay ou. Anjeneral, komin oswa vil yo ofri sak sab gratis. Ou dwe gen prèv rezidans, kidonk pote yon bòdwo telefòn/bil elektrisite oswa yon kat idantite.
Ki kote pou jwenn founiti bon mache oswa gratis
Li ka chè pou ou fè yon twous, kidonk eseye achte yon galon siplemantè dlo oswa yon bwat manje lè ou ale nan makèt la pandan kèk semèn. Malgre ke sa a varye selon kote ou ye a, men kèk kote ki ka bay founiti oswa ki ka konekte ou ak òganizasyon ki ofri yo:
- Pwogram sakado nan fen semèn nan lekòl lyo
- Legliz lokal oswa kote pou adore
- Bank manje yo oswa distribisyon manje chak semen yo
- Bibliyotèk
- Lakwa Wouj Ameriken
- Sant Resous Fanmi yo
- Pwogram sakado nan fen semèn nan lekòl lyo
Ki sa ki FEMA?
Ajans Federal pou Jesyon Ijans (AFJI) / Federal Emergency Management Agency (FEMA) se yon ajans ki anba Depatman Sekirite Enteryè, kidonk ou ka wè logo DHS sou sit li yo. FEMA parèt aprè prezidan an te deklare yon gwo dezas yon fason pou li te ofri asistans finansye ak resous bay moun yo; li ede tou gouvènman leta a, tribi a ak gouvènman lokal yo peye pou depans pou retire debri ak rekonstwi enfrastrikti piblik yo.
Si ou se yon sitwayen ameriken oswa ou ranpli sèten kalifikasyon kòm yon moun ki pa sitwayen ameriken, ou ka kalifye pou asistans finansye aprè yon dezas. Kèlkeswa sitiyasyon sitwayènte ou oswa imigrasyon ou, si yon katastwòf deklare federalman afekte ou, ou ka elijib pou jwenn konsèy pou kriz la, sèvis legal pou katastwòf la, jesyon ka dezas, swen medikal, abri, manje, ak dlo.
Sant rekiperasyon pou katastwòf FEMA yo se enstalasyon ak inite mobil kote ou ka jwenn enfòmasyon sou pwogram ajans lan ansanm ak lòt resous eta ak lokal yo. Daprè yon pòtpawòl FEMA, si nenpòt moun gen nenpòt kalite bezwen aprè yon dezas te deklare federalman, kit se fòmila pou tibebe oswa yon kote pou rete, ou ka mande enfòmasyon sa yo epi yo pral dirije ou yon kote pou jwenn li. Si ou bezwen asistans finansye, yo ap mande ou yon nimewo sekirite sosyal ak idantifikasyon ou.
FEMA gen resous sou Entènèt nan plizyè lang, ansanm ak kapsyon nan tan reyèl ak lòt teknoloji asistans nan sant rekiperasyon li yo: Ale sou ready.gov epi klike sou “disasters and emergencies.” Chwazi yon paj nan meni an anglè, tankou ” Fè yon plan “. Klike sou “Kreyól” epi paj yo pral nan Kreyól.
Konnen dwa ou yo
Idantifikasyon
Ou pa ta dwe bezwen idantifikasyon pou resevwa kit ijans oswa rete nan pifò abri ijans, men yo ka mande ou pou ou bay kèk ladan yo. Idantifikasyon kapab genyen yon foto oswa yon idantite ki pa gen foto; sa pa nesesèman vle di ou bezwen bay yon lisans pou kondwi, paspò, oswa nimewo sekirite sosyal. Gen kèk òganizasyon ki ofri idantite kominotè pou moun ki pa kalifye pou yon idantite leta bay yo. Men, sa a disponib sèlman nan kèk komin, epi yo ka pa aksepte li selon komin lan oswa kote a. Kote ki ofri yo genyen: Èd Legal nan komin Broward County ; Legal Aid Society of Palm Beach County ; Kowalisyon Dwa Moun (KDM) / Human Rights Coalition/RWHP nan Komin Alachua .
Rete an sekirite epi enfòme tèt ou
Ale nan yon abri oswa yon sit gouvènman an ap dirije ka yon entimidasyon. Men kèk konsèy:
- Sèvi ak sistèm zanmi ou: Gen sekirite nan kantite. Ale ak plizyè moun pou ou santi ou plis an konfyans nan jwenn èd ou bezwen an.
- Jwenn yon moun ki pale anglè: Yon moun ki pale anglè byen kapab ede ou jwenn sèvis si ou enkyete ou de baryè langwistik.
- Mande entèpretasyon nan lang: Lè ou ap pale ak lapolis, ponpye, oswa travayè lopital, ou gen dwa legal pou yo ba ou yon entèprèt. Lòt ajans ak enstitisyon ka gen aksè a entèprèt ak tradiktè tou.
- Kontakte yon òganizasyon defansè: Travayè agrikòl ak òganizasyon defans imigran yo ka ede ou jwenn pwovizyon ak manje ou bezwen nan yon espas ki an sekirite. Tcheke ak sa yo ki nan lis nan bwochi sa a oswa sou gid dijital nou an pou plis enfòmasyon.
- Pale ak kominote de fwa ou: Pale ak pastè lokal ou a, manm kote ou ap adore, oswa yon lòt moun ou fè konfyans sou opsyon ou genyen yo.
Resous legal yo
Gen anpil resous pou imigran, travayè migran, ak travayè agrikòl nan Florid si ou ta bezwen èd legal. (Avètisman: Nou pa ofri konsèy legal; sa a se sèlman pou ofri enfòmasyon kontak pou òganizasyon ki ka ofri resous ak sèvis legal yo.)
Florida Immigrant Coalition
1-888-600-5762 pou referans bay sèvis legal; info@flic.org
Florida Legal Services gen biwo nan Newberry ak Orlando.
407-801-4350
Florida Rural Legal Services ede moun nan Komin Lee, Polk, Palm Beach, St. Lucie, Martin, Okeechobee, Indian River, Highlands, Hardee, Hendry, Charlotte, Desoto ak Glade. Travayè agrikòl yo ka rele soti 8:30 am jiska 8:00 pm: nan 1-855-771-3077
Chomaj pandan katastwòf yo
Si ou se yon travayè agrikòl ou sou yon viza tanporè epi ou pèdi yon travay lè yon inondasyon oswa lè yon tanpèt te frape, patwon ou dwe ba ou jiska 75 pousan nan salè ou pèdi a. Sa a se yon lwa federal . Si ou se yon travayè H2-A epi patwon ou pa ba ou salè ki pèdi sa yo, ou ka pote yon plent nan Depatman Travay. (Sitwèb sa a gen enstriksyon sou fason pou fè sa .) Gen kèk moun ki rapòte vanjans paske yo te pote plent sou kondisyon travay yo. Ou ka di Depatman Travay si ou panse ke yon bagay konsa ka rive ou.
Pa grangou: Men ki jan ou ka jwenn manje
Anba a gen resous pou jwenn manje abòdab oswa gratis anvan, pandan, oswa aprè yon siklòn oswa vag chalè. Ou ka kontakte òganizasyon ki endike nan bwochi sa a, oswa swiv yo sou rezo sosyal yo, pou jwenn enfòmasyon sou sèvis distribisyon manje yo ka konekte avèk ak lot moun tou.
Pwogram manje kominotè ak bi nonlikratif
- Asosyasyon Travayè Agrikòl Laflorid yo genyen Jaden Campesinos nan kèk kote, ki ofri manje fre gratis, osi byen ke bay pwodwi boulanjri ak machandiz nan bwat/pake lè jaden an pa nan sezon an. Pou jwenn plis enfòmasyon: 407-886-5151
- Chèche yon legliz touprè ou ki gen yon gadmanje manje oswa sèvis distribisyon manje.
- Gid dijital nou an (jwenn li atravè kòd QR ki sou do bwochi sa a) bay lis plis òganizasyon nan santral ak nò Florid ki distribye manje gratis.
Pwogram federal asistans manje
Tou depan de estati legal ou, revni total nan kay la, epi si kay ou a gen timoun ki poko gen 5 an oswa yon manman ansent oswa ki bay tete, ou ta ka kalifye pou ou jwenn benefis gouvènman an ki gen ladan asistans finansye pou manje.
Kèk bagay enpòtan pou ou konsidere:
- Si ou se yon travayè H2-A, ou ka kalifye pou benefis manje federal sa yo atravè yon pwosesis aplikasyon, men anjeneral ou oblije rete tann senk ane apre ou jwenn estati imigran kalifye.
- Èske ou gen yon timoun ki fèt Ozetazini? Yo ka kalifye pou benefis sa yo, menm li ka pa ase pou nouri tout fanmi an.
SNAP : The Supplemental Nutrition Assistance Program/ Pwogram Asistans Nitrisyon Siplemantè (PANS) bay fanmi ki gen revni fèb yo asistans manje pou konplete bidjè makèt yo pou manje yo prepare lakay yo. Si ta gen yon katastwòf, ou ka an mezi pou achte manje cho oswa manje ki tou prepare ak dola SNAP. Ou dwe ranpli egzansyon sa a ( anglè , panyòl , kreyòl ayisyen , pòtigè ).
WIC : The Women, Infants, and Children program / Pwogram Fanm, Tibebe, ak Timoun (PFTT) ofri asistans manje, enfòmasyon, ak referans pou swen sante bay fanmi ki gen revni fèb ki gen timoun ki poko gen 5 an oswa moun ki ap tann yon nouvo pitit. Ou ka kalifye pou WIC ak nenpòt sitiyasyon imigrasyon. Pou aplike pou WIC, Ou ap bezwen rele swa nimewo biwo WIC lokal ou a, oswa nimewo gratis sa a: 1-800-342-3556.
SUNCAP : Nan Laflorid, si ou resevwa SSI , oswa Revni Sekirite Siplemantè (RSS) , ou ta ka elijib tou pou resevwa SUNCAP pou ede ou peye pou manje. Pou resevwa SSI ak/oswa SUNCAP, ou dwe yon sitwayen oswa gen estati legal .
D-SNAP : Aprè yon katastwòf, ou ka resevwa D-SNAP , ki se nòmalman omwen yon mwa nan benefis maksimòm SNAP pou fanmi ki gen revni fèb. Asistans sa a se pou moun ki pa deja jwenn oswa ki pa kalifye pou SNAP epi ki fè eksperyans yon pèt ki gen rapò ak katastwòf tankou pèt manje. Ou dwe mande benefis D-SNAP, ki gen ladann pre-enskripsyon sou Entènèt ak yon entèvyou telefòn . Sa a se pa soulajman imedya, paske li ta ka pran tan pou resevwa benefis yo.ne and a telephone interview. This is not immediate relief, as it could take time to receive the benefits.
Ki kote pou jwenn manje ak lòt resous
Òganizasyon sa yo ofri resous pou travayè agrikòl toupatou nan Florid. Pami sèvis yo bay yo genyen: manje gratis, klinik sante, sèvis ijans, ak referans pou asistans legal. Kontakte yo dirèkteman pou ou konnen sa ki disponib pou ou.
Asosyasyon travayè agrikòl Florid floridafarmworkers.org
Katye jeneral yo nan Apopka: 1264 Apopka Boulevard, Apopka, FL 32703
407-886-5151
Yo louvri soti 10 am jiska 6 pm Lendi-Vandredi, ak evènman nan wikenn yo ak aprè lè yo.
Fellsmere: 29 S Maple Street, Unit A, Fellsmere, FL 32948
772-571-0081
Immokalee: 415 Rose Ave, Immokalee, FL 34142
863-885-9484
Pierson: 111 Fountain Drive, Pierson, FL 32180
386-749-9826
Homestead: 329 N. Flagler Avenue, Homestead, FL 33030
305-247-0072
Pwojè SALUD, nan Pwojè Sante Fanm Riral rwhp.org
RWHP konekte manm kominote imigran yo ak manje, klinik sante, ak plis ankò, epi li ofri pwogram sou sante ak jistis sosyal nan komin Alachua, Dixie, Levy, Gilchrist, Marion, ak Suwannee.
1108 SW 2nd Avenue, Gainesville, FL 32601
352-575-8024
info@rwhp.org ; Facebook: Pwojè SALUDWHP
United Way of Florida uwof.org
United Way gen biwo atravè Florid epi li ofri resous an panyòl . Tèks kòd postal ou a nan 898-211 pou plis enfòmasyon ou ka rele 2-1-1 pou jwenn enfòmasyon sou pwogram manje ak nitrisyon, enfòmasyon ijans, sèvis swen sante, ak plis ankò.
Farm Share facebook.com/farmsharefl
Ki baze nan Homestead, Farm Share ofri atelye pou preparasyon pou siklòn epi fè distribisyon manje. Post Facebook yo se sèlman nan lang anglè, men si ou klike sou “swiv” nan kwen siperyè a dwat ou pral kapab wè kote lè yo distribye manje oswa anonse evènman nan tout eta a.
RCMA rcma.org
Avèk biwo li yo atravè sid Florid, ki gen ladan Immokalee, Palm Beach, ak LaBelle, RCMA ofri pwogram pou devlopman timoun, preparasyon pou ijans pou fanmi yo, ak asistans imigrasyon.
402 W Main St., Immokalee, FL 34142
800-282-6540
Sant kominotè Espwa
www.hcc-offm.org
Telefòn: 407-880-4673
1016 North Park Avenue, Apopka, FL, 32712
Orè: Lendi 9AM -1PM
Ministè Travayè Agrikòl
Telefòn: 863-967-9583
318 W. Bridgers Ave., Auburndale, Florid 33823
centrocampesino@cs.com
Second Harvest Food Bank of Central Florida
411 Mercy Drive, Orlando, Fl 32805
Telefòn: 407-295-1066
Kat jeyografik yo gen kote manje nan tout zòn nan.
Nan kèk komin, Second Harvest ofri asistans benefis SNAP pou ede ou navige nan pwosesis aplikasyon an.
Pen ak pwason / Loaves and Fishes
Jou/ Lè : Chak semèn Lendi – Jedi soti 9:00am – 2:30pm Rele pou pran randevou/livrezon nan 407-886-6005. Kliyan ki pa TEFAP yo mande pou prèv adrès ak prèv revni . Ofri jesyon ka jeneral.
206 E. 8th Street, FL, 32703
Kiltive Abondans
17151 Laurelin Ct., North Fort Myers, FL 33917
239-478-8571
info@cultivateabundance.org
Yo ofri distribisyon manje chak semèn epi yo gen jaden nan tout zòn nan.
Foto kouvèti: Yon kay mobil ki te domaje deplase nan mitan yon wout nan Steinhatchee, Florid, nan dat 30 out 2023 aprè siklòn Idalia te pase sou tè a. CHANDAN KHANNA / AFP / Getty Images
Gid dijital sa a se yon konpayon nan gid enprime nou yo, ke yo distribye atravè Asosyasyon Travayè Agrikòl nan Florid, Pwojè Sante Fanm Riral yo, ak lòt moun nan nò ak santral Florid la. Telechaje dokiman PDF ki anba a.
